Mánáidáittardeaddji doaimmat
Mánáidáittardeaddji hukse mánáide buori ja vuoiggalaš servodaga ovttas eará doaibmiiguin. Mánáidáittardeaddji barggu láide láhka mánáidáittardeaddjis (1221/2004, FINLEX). Barggu vuođđun lea ON:id oppalašsoahpamuš máná rivttiin (SopS 59-60/1991, FINLEX).
Mánáidáššiidráđđádallangoddi
Mánáidáittardeaddji doarjjan doaibmá mánáidáššiidráđđádallangoddi. Stáhtaráđđi lea ásahan mánáidáššiidráđđádallangotti máná sajádaga ja rivttiid ja daid guoskevaš virgeoapmahaččaid ovttasbarggu ovddideami várás. Mánáidáittardeaddji lea mánáidáššiidráđđádallangotti sátnejođiheaddji.
Nuoraid ráđđeaddit
Vánhemiid ja mearrideaddjiid lea dehálaš gullat mánáid ja nuoraid árggas ja vásáhusain. Mánáidáittardeaddji váldá čielgasa mánáid ja nuoraid oaiviliin ja ovddida daid mearrideaddjiide. Mánát ja nuorat leat ráđđeaddin mánáidáittardeaddji barggus (Nuorra ráđđeaddit, NuoNe).
Strategiijat ja doaibmaplánat
Mánáidáittardeaddji strategiijas meroštallat ee. doaimmalašvuođa ja váikkuhanvuođa mihttomeriid. Doaibmaplána muitala, mo mihttomearit fáhtejuvvojit. Deaddočuokkesguovllut meroštallojuvvojit jahkásaččat.
Jahkegirjjit ja čohkkemat
Mánáidáittardeaddji addá jahkásaččat stáhtaráđđái muitalusa doaimmastis. Jahkegirji árvvoštallá máná rivttiin ja eallindiliid ollašuvvama ja ovdáneami Suomas. Mánáidáittardeaddji addá lassin njealji jagi gaskkaid riikkabeivviide muitalusa, mas árvvoštallat Suoma láhkaásaheami ON:id máná rivttiid soahpamuša ektui.