MAID OVDDIDAT?

Máná rivttiid soahpamuš

Oppalašsoahpamuš máná rivttiin dohkkejuvvui ON:id 44. dievasčoahkkimis 20.11.1989. Suopma searvvai soahpamuššii jagi 1991. Máná rivttiid soahpamuš lea riikkaidgaskasaš olmmošvuoigatvuođasoahpamuš. Dat geatnegahttá soahpamušstáhtaid gudnejahttit ja čuovvut soahpamušas dáhkiduvvon máná rivttiid. Lassin dat geatnegahttá našuvnnalaš láhkaásahemiid dávistit soahpamušas nannejuvvon rivttiid. Mánát leat buohkat vuollel 18-jahkásaččat.

ON:id máná rivttiid komitea

ON:id máná rivttiid komitea bearráigeahččá máná rivttiid soahpamuša ollašuhttima soahpamušstáhtain. Komitea almmustahttá doaibmabiju doarjjan oppalaškommeanttaid. Daid dat dulko soahpamušas dáhkiduvvon rivttiid.

Máná rivttiid komitea oppalaškommeanttat

ON:id máná rivttiid komitea almmustahttá máná rivttiid soahpamuša ollašuhttima doarjjan oppalaškommeanttaid. Dain dat dulko soahpamušas dáhkiduvvon rivttiid. Dáppá gávnnat oppalaškommeanttaid suomagillii.

Váidda ON:id máná rivttiid komiteai

Mánás dahje mánnájoavkkus lea riekti dahkat váidaga ON:id máná rivttiid komiteai, jus soahpamušstáhta lea loavkidan máná rivttiid. Komitea váldá beali dan dutkan váidagiidda ja addá dárbbu mielde ávžžuhusaid daid vuođul.

Bálvalusat ja riektedorvu: Bealit mat veahkehit

Mánáidáittardeaddjis ii leat doaibmaváldi čoavdit ovttaskas mánáid dahje bearrašiid áššiid, iige mánáidáittardeaddji sáhte váldit daidda beali. Dáppe gávnnat doarjaga fállán beliid oktavuođadieđuid sihke rávvagiid mánáid ja bearrašiid bálvalusaid ja riektedorvvu ektui.

Bálvalusat ja riektedorvu: DJJ

-Mánnán lea áittardeamis inge sáhte deaivat su. Maid dagan?

-Muhtun bearrašis mánáin láhttejit funet. Maid sáhtán dahkat?

-Gullen rádios mánáide heivemeahttun márkanastima. Sáhtángo dahkat áššái juoidá?

Brošyrat máná rivttiin

Buot min brošyraid sáhttá friddja luđet, printet ja juohkit. Dieđátgo máná olmmošvuoigatvuođain? -brošyra lea oažžumis suomagiela ja suoma čielgagiela lassin ruoŧa-, davvisáme-, nuortalaš-, anáraš-, romána-, eŋgelas- ja ruoššagillii. Brošyrat leat oažžumis dušše elektrovnnalaš hámis.