Sámemánáid oainnut sin buresveadjimis ja rivttiid ollašuvvamis čielggaduvvo
Dieđáhus 10.6.2022
Mánáidáittardeaddji doaimmahat ja našuvnnalaš mánnástrategiija álggahit čielggadeami sámemánáid ja nuoraid buresveadjimis ja rivttiid ollašuvvamis Suomas. Čielggadus ollašuhtto ovttasbargguin Sámedikkiin ja nuortalaččaid siidačoahkkimiin. Čielggadeapmi addá dehálaš dieđu sámemánáid ja nuoraid iežaset oainnuin.
– Mánáidáittardeaddji Nuorat ráđđeaddit -deaivvademiin leat ságastallan sámemánáiguin sin oainnuin. Ságastallamiin leat badjánan sápmelašvuođa mearkkašupmái, sámegielaid atnui, guovllu bálvalusaide ja kultuvrii ja guhkes gaskkaide laktásan temát. Lea dehálaš, ahte oažžut viidát čoggojuvvot oainnuid sámemánáin ja -nuorain alddiset, mánáidáittardeaddji Elina Pekkarinen dadjá.
Sámemánát muitaledje mánáidáittardeaddji deaivvademiin maiddái sávvat nuppástusa dasa, ahte sin giela ja kultuvrra dovdet ja áddejit hejot sámeguovllu olggobealde.
Čielggadeapmi lea plánejuvvon sámedikkiin ja mánáidáittardeaddji doaimmahaga ovttasbargun juovlamánu 2021 rájes. Čielggadus lea ožžon searvvušlaš miehtama sámedikkis.
– Lea hui dehálaš, ahte sápmelaččat leat álo mielde plánemin, go sáhka lea sámiide guoskevaš áššiin, stivrenjoavkku lahttu, sámedikki sosiála- ja dearvvašvuođačálli Anne Länsman-Magga ja nuortalaččaid siidačoahkkima ovddasteaddji Anna-Katariina Feodoroff deattuheaba.
– Dás mánáidáittardeaddji ollašuhttán čielggadeamis guovddážis lea, ahte sámemánát ja -nuorat eai leat dutkanobjeavttat, muhto aktiiva ja guovddáš oassálastit, geaid gullet sin iežaset vuollačuoggáin, Länsman-Magga joatká.
Mánáid ja nuoraid oainnut sámiid ruovttuguovllus ja dan olggobealde ássiin
Čielggadeami bohtosat muitalit mánáid ja nuoraid buresveadjimis ja rivttiid ollašuvvamis sin iežaset geahččančiegas.
– Geasi áigge jearahallat muhtun mánáid ja nuoraid vuođđun jearahallanskovvái čielggadeami várás. Čakčamánus leahkkasa jearahallan, masa lea vejolaš oassálastit sihke sámeguovllu mánáin ja nuorain ja sámegielaid gáiddusoahpahussii oassálastán mánáin ja nuorain. Jearahallamis dieđihuvvon fuolaheaddjiide, spesiáladutki Elina Weckström mánáidáittardeaddji doaimmahagas muitala.
Čielggadeami bohtosat almmustahttojuvvojit álgojagi 2023. Bohtosat raporterejuvvojit nu, ahte ovttaskas vástideaddji ii sáhte earuhit. Čielggadus lea oassi našuvnnalaš mánnástrategiija ollašuhttinplánas ja ruhtaduvvo dan bokte.
Lassedieđut
Čielggadus sámemánáid ja -nuoraid buresveadjimis ja rivttiid ollašuvvamis Suomas
