Rávvagat diliide, main it leat duđavaš du ožžon mearrádussii dahje meannudeapmái

Gosa váldit oktavuođa, go leat duhtameahttun du ožžon mearrádussii dahje meannudeapmái? Maid galgá dahkat jus áicá vigi virgeoapmahačča doaimmas? Mánáidáittardeaddji doaimmahat lea čohkken dán siidui beliid, maidda sáhttá leat oktavuođas. Du anus leat máŋggat riektedorvovuogit. 

Mánáidáittardeaddjis ii leat doaibmaváldi čoavdit ovttaskas mánáid dahje bearrašiid áššiid, iige mánáidáittardeaddji sáhte váldit daidda beali.

 

Veahkki ja ráđit riektedorvvu ohcamii

  • Sosiálaáššeolmmoš dahje buohcciáššeolmmoš veahkehit dárbbu mielde muittuhusa dahje guoddaleami dahkamis dahje rávvejit áššehasa dahje buohcci jearaldagain, mat laktásit daid sajádahkii ja rivttiide. 
  • Juridihkalaš áššiid dikšuma várás veahki sáhttá oažžut riekteveahkis.

Riektedorvu

Anus leat čuovvovaš riektedorvovuogit:

  • Fikka vuosttažettiin čielggadit ášši dán beliin. Sáhtát leat oktavuođas bargái dahje jođiheaddjái ja dahkat muittuhusa doaibmaovttadahkii.
  • Sáhtát dahkat doaimmas muittuhusa iežat beales dahje nuppi olbmo beales.
  • Sáhtát ohcat nuppástusa du ožžon mearrádussii, dahjege dahkat váidaga dahje vuigengáibádusa.
  • Sáhtát guoddalit virgeoapmahačča doaimmas guovlluhálddahusdoaimmahahkii, riikkabeivviid riekteáššeolbmui dahje riektekanslerii.
  • Jus eahpidat olggušteami, sáhtát váldit oktavuođa ovttaveardásašvuođaáittardeaddjái dahje dásseárvoáittardeaddjái, geas lea doaibmaváldi gieđahallat olgguštandáhpáhusaid.

Vuolde gávnnat dárkilut dieđuid sierra vugiin oažžut du ášši ovddasguvlui.

Mánáidáittardeaddjis ii leat doaibmaváldi čoavdit ovttaskas mánáid dahje bearrašiid áššiid, iige mánáidáittardeaddji sáhte váldit daidda beali.