Barggu ja bearraša oktiiheiveheami gulahallan- ja váikkuheaddjivuođakampánja

Mánná- ja bearašmiehtemielalaš Suopma gáibida njuovžilis barggu ja bearraša oktiiheiveheami ja mánná- ja bearašmiehtemielalaš bargoeallima. Seammás go jo jođus lean bargu ovdamearkan bearašfriddjavuođaođasteami olis buorida eavttuid barggu ja bearraša oktiiheiveheapmái, maiddái priváhta sektora doaibmiin ja almmolaš sektora bargoaddiin lea dehálaš rolla.

Mánnástrategiija doaibmabidjoplánas doaibmabijus nr 19 ollašuhttit váikkuheaddjivuođa- ja dieđihankampánjjaid ovttasbarggus priváhta sektora doaibmiiguin ja almmolaš sektoriin. Kampánjjaiguin lebbet buriid geavadagaid ja nannet ipmárdusa bearrašiid máŋggahámatvuođas ja mánná- ja bearašustitlaš bargoeallimis olles servodaga áššin. Doaibmabiju mihttomearrin lea váikkuhit buriid geavadagaid stáđásmuhttimii ja bearašustitlaš bargoeallimii ja nannet ipmárdusa máná rivttiin maiddái bargoeallima áššin. Barggu ja bearraša oktiiheiveheami dieđihan- ja váikkuheaddjivuođakampánja ollašuhtto oassin mánáidáittardeaddji doaimmahaga doaimmas. 

Áigetávval 

Kampánja ollašuhtto čakčat 2022 ja dan alimus boddu lea 18.11.2022 ordnejuvvon ođasmahtton Mánná mielde bargui -beaivi.

Bohtosat

Barggu ja bearraša oktiiheiveheami kampánja loahppaboađusin priváhta ja almmolaš sektora bargoaddiid diđolašvuohta bearašustitlaš geavadagaid atnuiváldimii ja ovddideapmái iežas bargosajis lea lassánan.