Mánnábaromehter
Mánnábaromehter lea mánáiddáittardeaddjidoaimmahaga ollašuhttán dutkamuš 6-7-jahkásaš mánáid árggas ja eallimis. Dutkamuša mihttomearri lea čielggadit mánáid iežaset vásáhusaid sidjiide guoskkahan temáin. Mánnábaromehter čađahuvvo juohke nuppi jagi.
Mánnábaromehter 2022
”Jos gii nu lea mu lahka, dalle in bala” – mánáid oainnut dorvvolašvuođas
Jagi 2022 Mánnábaromehteris čielggadit, maid dorvvolašvuohta mearkkaša 6–7-jahkásaš mánáide, makkáraš áššit lasihit mánáid dorvvolašvuođa dovddu ja mat geahpedit dan.
Mánnábaromehter 2022 (suomagiella, čoahkkáigeassu davvisámegiella, čuákánkiäsu anarâškielâ, õʹhtteǩeässmõš nuõrttsäämas)
Mánnábaromehter 2020
Jagi 2020 Mánnábaromehteris čielggadit, maid guđajahkásaš mánát jurddašit buori eallimis. Mii gullá buori eallimii ja mo dát áššit ollašuvvet sin eallimis? Dutkamuša dieđučoaggin ollašuhttui mánáide čujuhuvvon dihtoštemiin, man plánema várás ordnejuvvui bargobádji. Bargobájis mánát ožžo sárgosiiguin muitalit, mii gullo mán buori eallimii. Bargobáji vuođul dutkamuša temán šadde ovdaskuvla, ruoktu, rávisolbmot, ássanbiras, miehtemielalaš earuheapmi, ilu ja balu buktán áššit sihke sávaldagat ja dárbbut.
Mánnábaromehter 2020 (suomagiella, Čoahkkáigeassu davvisámegiella)
Mánnábaromehter 2018
Jagi 2018 mánnábaromehter čokkii 6-jahkásaš mánáid friddjaáigge ja lihkadeami guoskevaš vásáhusdieđu. Dutkamušas veardádalle njunnálagaid ja telefovnnain dahkkon jearahallamiid dieđu čoagginvuohkin, ja das jearahalle 150 guđajahkásaš máná ja sin fuolaheaddji. Dutkamuš čujuhii, ahte mánáide deháleamos áššit friddjaáiggis leat stoahkan ja speallan, ruovttus orrun ja herskostallan.
Mánnábaromehter 2018 (suomagiella)
Mánnábaromehter 2016
Vuosttas mánnábaromehtera (2016) temán lei luohttámuš. Bohtosiid vuođul stuorámus oassi 6-jahkásaš mánáin čujuha luohttámuša lagaš olmmošgaskavuođaid, dego skihpárii ja bearraša ektui. Nuppe dáfus dutkamuš attii refereanssaid sierraárvvolašvuođas ja čujuhii, ahte 6-jahkásaččaid joavkkus lea smávva joavku mánát, geat eai dovdda miehtemielalaš áššiid dahje vásit oažžut miehtemielalaš máhcahaga ja veahki.
Mánnábaromehter 2016 (suomagiella)
