Oktavuođaváldin mánáidáittardeaddjái

Mánáidáittardeaddji atná ávkin su ožžon máhcahaga ja oktavuođaváldimiid su servodatlaš váikkuhanbarggus. Áittardeaddji sáhttá bajidit servodatlaš sagastallamii ja mearrádusdahkamii mánáid vuoigatvuođaid dáfus dehálaš áššiid, mat muđui bázášedje vuhtiiváldima haga.

Mánáidáittardeaddjis ii leat doaibmaváldi gieđahallat ovttaskas máná dahje bearraša áššiid iige váldit beali dahje nuppástuhttit earáid virgeoapmahaččaid mearrádusaid.

Loaiddastanbivdagat, bovdehusat ja media oktavuođaváldimat

Barggustis mánáidáittardeaddji oažžu olu bovdehusaid earálágan dilálašvuođaide. Mánáidáittardeaddji Pekkarinen deaivan- ja loaiddastanbivdagat čujuhuvvojit hálddahuslaš veahkeheaddjái.

Mii bivdit buohkaid bovdejeaddjiid suokkardit, mo mánáidáittardeaddji oassálastin dilálašvuhtii ovddida mánáid vuoigatvuođaid ja sáddet oanehis ákkastallama bovdehusa oktavuođas.

Riikkavuložiid oktavuođaváldimat mánáid vuoigatvuođaid ollašuvvamis

Mánáidáittardeaddji doaimmahat váldá vuostá dieđu mánáid vuoigatvuođaid ollašuvvamis. Mánáidáittardeaddji atná ávkin oktavuođaváldimiid bokte ožžon dieđu váikkuhanbarggustis. Mánáidáittardeaddjis ii goittotge leat doaibmaváldi gieđahallat ovttaskas máná dahje bearraša áššiid iige váldit beali dahje nuppástuhttit earáid virgeoapmahaččaid mearrádusaid.

Bivdit sáddet oktavuođaváldimiid šleađgapoastta bokte čujuhussii lapsiasiavaltuutettu(at)oikeus.fi.  Telefovnna bokte oktavuođaváldimat telefonáiggiin gaskavahku dmu 9.00–11.00, tlf. 0295 643 340.

Veahki váttis diliide

Jus it leat duđavaš du ožžon mearrádussii dahje virgeoapmahačča meannudeapmái, geahča dáppe rávvagiid, mo sáhtát ovdánit áššis.

Lassin mii leat čohkken listtu oassebeliin, geaidda sáhttá váldit oktavuođa váttis diliin. 

Diehtosuodjegeavadat

Mánáidáittardeaddji doaimmahaga čilgehusat persovdnadieđuid gieđahallamis sierra dilálašvuođain gávdnojit siiddus Diehtosuodjegeavadat.