Máná rivttiid soahpamuš

Olmmošvuoigatvuođat gullet buohkaide, maiddái juohkehaš mánnái. Mánát leat vuollel 18 jahkásaččat.

 

Ovttastuvvan Nášuvnnat (ON) lea dahkan soahpamuša mánáid olmmošvuoigatvuođain jagis
1989. Suomas oppalašsoahpamuš bođii fápmui jagi 1991.

Measta buot máilmmi riikkat leat soahpamusaš mielde. Suoma stáhta galgá fuolahit das, ahte soahpamuša áššit ollašuvvet mánáid eallimis. Suoma stáhta galgá maid dieđihit máná vuoigatvuođain sihke ollesolbmuide ja mánáide.

Stáhta galgá raporteret ON:ai jeavddalaččat, mo máná vuoigatvuođat ja buresveadjin leat
Suomas ovdánan.

 

Buot mánát leat ovttaveardásaččat

Máná dahje su vánhemiid ahki, liikeivdni, giella, opmodat, osku, váddu dahje buozalmas ii váikkut
máná vuoigatvuođaide. Geaŋge ii oaččo vealahit dahje givssidit.

Mánás lea vuoigatvuohta buori eallimii

Mánná oažžu leat iežaslágan. Ollesolbmot galget doarjut mánáid vejolašvuođaid bajásšaddat ja
ahtanuššat ráfis ja iešguhtege lágis mielde.

Ollesolbmot galget váldit čielgasa, maid mánát aššiin jurddašit

Ollesolbmot galget jearrat ja guldalit máná oaiviliid ja váldit daid duođas. Mánáide galgá
addit vejolašvuođa váikkuhit iežaset árgii.

Máná ovddu galgá bidjat ovdasadjái, go dahkkojit mánáid guoski mearrádusat

Vánhemat ja eiseválddit fertejit álo smiehttat, man láhkai sin mearrádusat váikkuhit mánáide. Ollesolbmot galget ohcat čovdosiid, mat leat mánáid buorrin. Mánáide galgá ákkastallat mearrádusaid ipmirdahtti vuogi mielde.

 

ON:a máná vuoigatvuođaid oktasašsoahpamušas leat oktiibuot 54 čuoggá. Dát leat áššit, main stáhta ja gielddaid mearrádusdahkkit ja buot ollesolbmot galget fuolahit. 

Máná rivttiid soahpamuššii ja máná rivttiide sáhttá oahpásmuvvat maiddái máná rivttiid brošyraid bokte.

Brošyrat máná rivttiin  

Suomagillii máná rivttiid soahpamuš