Riektedorvu

Anus leat čuovvovaš riektedorvovuogit:

• Fikka vuosttažettiin čielggadit ášši dán beliin. Sáhtát leat oktavuođas bargái dahje jođiheaddjái ja dahkat muittuhusa doaibmaovttadahkii.
• Sáhtát dahkat doaimmas muittuhusa iežat beales dahje nuppi olbmo beales.
• Sáhtát ohcat nuppástusa du ožžon mearrádussii, dahjege dahkat váidaga dahje vuigengáibádusa.
• Sáhtát guoddalit virgeoapmahačča doaimmas guovlluhálddahusdoaimmahahkii, riikkabeivviid riekteáššeolbmui dahje riektekanslerii.
• Jus eahpidat olggušteami, sáhtát váldit oktavuođa ovttaveardásašvuođaáittardeaddjái dahje dásseárvoáittardeaddjái, geas lea doaibmaváldi gieđahallat olgguštandáhpáhusaid.
• Mánáin dahje mánnájoavkkuin lea riekti dahkat váidagiid ON:id máná rivttiid komiteai.

Vuolde gávnnat dárkilut dieđuid sierra vugiin oažžut du ášši ovddasguvlui.

Mánáidáittardeaddjis ii leat doaibmaváldi čoavdit ovttaskas mánáid dahje bearrašiid áššiid, iige mánáidáittardeaddji sáhte váldit daidda beali.